الاعلان رقم 3
الاعلان رقم 4
الاعلان رقم 5

ابراج اليوم - أمهات لكن جبلات.. سابوا عيالهم لوحدهم وطفشوا

 

 

أنت الان تشاهد خبر - ابراج اليوم - أمهات لكن جبلات.. سابوا عيالهم لوحدهم وطفشوا
فى موقع - اللوتس الاخبارية
بتاريخ - الخميس 12 أكتوبر 2017 08:48 صباحاً

دوت مصر اللوتس الاخبارية - رئيس التحرير التنفيذي: هاني رفعت مدير التحرير: عبد الله أحمد 10 Sites

"أمهات لكن جبلات".. سابوا عيالهم لوحدهم وطفشوا

قلبهم حجر.. 4 أمهات سابوا عيالهم لوحدهم وطفشوا "بس اتحبسوا"

طبعا أي ست متجوزة نفسها تطفش من عيالها وتقضيها وتدلع نفسها شوية.. خصوصا لو كانت مطلقة.. بس أنا بحذرك أهو.. إوعى تسيبي عيالك لوحدهم في البيت.. غير إنك كده تبقي طوبة ومعندكيش دم.. لكن هتلاقي نفسك متكلبشة ومرمية في الحجز.. يعني عيالك قارفينك سواء معاهم أو سيباهم.. لا مفر ياماما..

إيرين لي ماك.. شكلها مسجلة خطر أصلا

إيرين لي ماك.. شكلها مسجلة خطر أصلا

إيرين لي ماك .. سابت عيالها لوحدهم وسافرت أوروبا !

الكلام ده في الولايات المتحدة الأمريكية.. وبالتحديد في مدينة دي موين بولاية آيوا.. ست اسمها إيرين لي ماك عندها 30 سنة.. سابت عيالها الأربعة في البيت لوحدهم زي الكلاب.. وسافرت على أوروبا! .. بعد يومين واحد بقى ماشي كده في أمانة الله في الشارع جنب البيت.. وهوبا العيال شافوه من الشباك وقعدوا يعيطوا ويقولولوه فين ماما إحنا عاوزينها.. قام طبعا الراجل علطول مبلغ الشرطة إن العيال لوحدهم ومحدش موجود يشرف عليهم.. أو حتى بيبي سيتر.. والضباط حققوا وكلموا جهة اسمها دايرة الخدمات الإنسانية في الولاية وجت خدتهم..

بعديها الشرطة كلمت الأم اللي كانت بتعُط في ألمانيا وطلبوا منها ترجع بسرعة.. ولما رجعت قفشوها واعتقلوها علطول.. ووجهولها تهمة تعريض حياة أطفالها للخطر اللي همه عيل عنده 12 سنة.. وبنت عندها 7 سنين.. وبنت تالتة 6 سنين.. وقعدت في السجن شوية حلوين واتبهدلت عشان تحرم تعمل كده تاني..

ريبيكا ستيفنسون.. مقضياها سجاير وسايبه عيالها

ريبيكا ستيفنسون.. مقضياها سجاير وسايبه عيالها

ريبيكا ستيفنسون.. سابتهم وراحت حفلة وإتعاقبت بـ"حظر تجول" !

نفس السيناريو اللي فات تقريبا.. ريبيكا أم بريطانية من مدينة بلاكبيرن مطلقة سابت عيالها الأربعة يوم كامل في البيت عشان تروح حفلة سكر ومخدرات ومليطة.. عندها 22 سنة معرفش لحقت تتجوز وتخلف زوربة العيال دول إمتى؟.. المهم إن العيال فضلوا لوحدهم لحد ما عدى راجل برضه سمعهم بيصرخوا وبيقولوا ماما فين؟.. والراجل ده اسمه بول فيلدينج ويبقى جوز أم ريبيكا.. ودخل لقى العيال متبهدلين.. اللي عمره سنة ومغرق نفسه.. واللي مكسر حاجات.. والمفاجأة إن واحد من العيال عنده 3 شهور.. شوف الجبروت!

الأم رجعت البيت سكرانة وخربانة لقيت الشرطة بتقبض عليها.. وفي المحكمة اعترفت بتهم إهمال الأطفال.. واتحكم عليها بعشرين أسبوع سجن مع إيقاف التنفيذ.. وكمان فرض عليها القاضي أمر بحظر تجول وخروج لمدة شهرين من الساعة 8 بليل لحد 6 الصبح.. والعيال راحوا عند جدتهم وجوزها عشان ياخدوا بالهم منهم كويس بدل بنتها المستهترة.. خلفة تعِر صحيح..

شانون كوك.. جامدة بصراحة وحقها تعمل اللي عايزاه

شانون كوك.. جامدة بصراحة وحقها تعمل اللي عايزاه

شانون كوك .. طفشت عشان تحضر حفلة رقص !

اتحكم على واحدة ست في شيكاجو بولاية إلينوي بالسجن لمدة شهر.. بسبب إنها سابت عيالها في البيت لوحدهم 9 ساعات.. اللي أكبر واحد فيهم عنده 5 سنين.. عشان تحضر حفلة رقص في استعراض "جيري سبرينجر" المشهور لو كنت تسمع عنه.. وشانون كوك قالت إنها متوقعتش تغيب كل المدة دي عن البيت..

الموضوع بدأ أن عيل منهم طلع سوسة وخبط على جارته وقالها إن أمه بقالها كتير بره وهو قلقان عليها.. إنت اللي هتقلق عليها برضه ياولا؟.. قامت الجارة اتصلت بالشرطة عشان كانت بتكره أمه تقريبا.. والست شانون رجعت بليل لقت الشرطة مستنياها واعتقلوها.. وتلاقي الجارة الشريرة كانت فرحانة وبتضحك..

ميجومي شيمامورا.. شكلها غلبان بس قلبها حجر ومنها لله

ميجومي شيمامورا.. شكلها غلبان بس قلبها حجر ومنها لله

ميجومي شيمامورا .. قلبها حجر سابت عيالها لوحدهم لحد ما مات واحد منهم جعان !

أم يابانية عندها 29 سنة ومطلقة.. أمورة فشخ بس غشيمة وقلبها ميت.. وجوزها له حق يسيبها ويطفش.. اتحبست بس مدة كبيرة شوية.. سابت ولادها التلاتة في البيت.. منهم واد عنده سنتين.. لمدة 10 أيام كاملة.. تخيل يامؤمن؟.. لحد ما مات واحد منهم من الجوع..

كانت فين بقى؟.. راحت نقلت بيت جديد وسابتهم في القديم يولعوا.. وتو أما افتكرت بعد طول المدة دي كلمت أبوها وأمها يروحوا يطمنوا ع العيال.. راحوا لقيوا واحد مات من الجوع.. والتاني كان قرب يخلص واتنقل المستشفى علطول.. والتالت لقوه زي القرد محصلوش حاجة..

رد شيمامورا على الشرطة بعد كل ده كان إيه؟.. قالتلهم إن جالها إنهيار عصبي بسبب تربية العيال.. وإنها تعبانة أوي ومش قادرة عليهم.. لا ياشيخة؟.. دي كان لازم تاخد إعدام مش تتحبس بس..يالللا..منها لله.

لو عجبك الموضوع ده وعاوز تقرا مواضيع زيه أو أحسن خش هنا

قط بلدي

سي إم بانك.. "معدي الناس" بشهرته.. ومدي الـ"WWE" على قفاه

ستيفن بادوك.. المليونير المجنون اللي قتل 58 واحد وإنتحر في "فيجاس"

جميع حقوق النشر محفوظة لدى شركة دوت مصر ويحظر نشر أو توزيع أو طبع أي مادة دون إذن مسبق من الشركة

شكراً لك على زيارتنا لمشاهدة موضوع ابراج اليوم - أمهات لكن جبلات.. سابوا عيالهم لوحدهم وطفشوا ونتمني ان نكون قد أوفينا في تقديم الخدمة ونود ان نوضحك لك أن خبر "ابراج اليوم - أمهات لكن جبلات.. سابوا عيالهم لوحدهم وطفشوا" ليس لنا أدني مسؤلية علية ويمكنك ان تقوم بقرائة الخبر من موقعه الاصلي من موقع دوت مصر و سمكنك ان تقوم بمتابعة أخر و أحدث الاخبار عبر موقعنا اللوتس نيوز دائماً من خلال زيارة الرابط " http://www.lotus-news.com " او من خلال كتابة " اللوتس نيوز " فى جوجل وسيتم تحويلك الى موقعنا فوراً ان شاء الله .

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

 

اعلانات المحتوي

 

السابق ابراج اليوم - بلاي ليست.. سي السيد
التالى ابراج اليوم - بأقل التكاليف.. طريقة عمل دوناتس بالريد فيلفيت في المنزل