الاعلان رقم 3
الاعلان رقم 4
الاعلان رقم 5

ابراج اليوم - دولة المكروباص المستقلة.. السواق متشعوذ وماشي ببطاقة ابن اخته

 

 

أنت الان تشاهد خبر - ابراج اليوم - دولة المكروباص المستقلة.. السواق متشعوذ وماشي ببطاقة ابن اخته
فى موقع - اللوتس الاخبارية
بتاريخ - الخميس 12 أكتوبر 2017 11:43 مساءً

دوت مصر اللوتس الاخبارية - رئيس التحرير التنفيذي: هاني رفعت مدير التحرير: عبد الله أحمد 10 Sites

دولة المكروباص المستقلة.. السواق متشعوذ وماشي ببطاقة ابن اخته

دولة المكروباص المستقلة.. السواق متشعوذ وماشي ببطاقة ابن اخته

بعد ما دفع المعلوم.. حِلف رئيس جمهورية المكروباص اليمين قدام صاحب الموقف بإنه ميرجعش غير ومعاه الوردية كاملة.. واستلم العربية الكُهنة اللي شغالة على خط "البصراوي - بشتيل" قبل السواق الخبرة ما يتولد يجي بـ10 سنين.. هيا كانت قبل كده بكام سنة بتطلع على الكورنيش تعمل فردتين "إمبابة - جيزة" الصبح مع زحمة المدارس تعافر وسط مخاليق ربنا.. شغاله يعني.. الأوسطى أمّن على التباع بتاعه ودوّر عربيته وطلع على التانى.. هو طبعًا خد شتيمتين حلوين من صاحب الموقف اللي الشكمان نفخه وهوا قاعد ورا العربية: "لولا اني مصطبح كنت قمت شرحت وشك"، عمل من بنها وبلع الكلمتين وشرخ يلقط في الزباين.

دي كانت باختصار الصورة من برا العربية.. لكن المشهد من جوا المكروباص حاجة تانية خالص.. دولة فعلاً.. أومال هوا حلف طلاق تلاته من مراته لصاحب الموقف ليه؟.. عشان هوا بيحكم ويتحكم في مخاليق ربنا اللي قضاهم لسود وقعهم تحت إيده وركبوا معاه.. بيتعامل مع الناس على إنهم مجموعة من البشر طلبت منه اللجوء في دولته.. يمشي من السكة اللي تيجي في خياله، وينهي رحلته المنيلة اللي مرمط فيها الناس معاه وقت ما هو عايز.. عشان كده تعالوا نكتشف ملامح دولة المكروباص المستقلة .

المساواة في الظلم عدل يا أستاذ:

مكروباص الهرم الشهير..

مكروباص الهرم الشهير..

أهم بند في أي بلد هو "إقامة العدل" فيها، وجوا المكروباص السواق والتّباع بتاعه هما اللي بيقوموا بالدور دا، ومفيش مانع لو احتاجت الأمور دعم من الركاب.. يعني ممكن يرحل واحد من مكانه عشان يقعد راجل ومراته جنب بعض، شهادة لله في الحالات دي محدش بيرفض، لكن فيه سواقين بيزودوها، يعني ممكن يحجز الكرسيين اللي جنبه لمزة يمكن يحدفها الهوا عليه عشان يطري القاعدة، والعدل كمان في تمن الأجرة، التبّاع اللي واخد تعليماته من ريسه بيقولك الأجرة موحدة، ركبت المشوار كله أو حته منه، هتدفع الأجرة كاملة، معلش المساواة في الظلم عدل يا أستاذ.

الثقافة العامة:

التباع بيقنع الزباين تركب ف المكروباص

التباع بيقنع الزباين تركب ف المكروباص

ييجي في المرتبة التانية على طول الثقافة العامة، واللي بيميز دولة المكروباص إن مفيش أي ثقافة من أي نوع، غير هتديني إيه؟ وهتاخد قصاده إيه؟ وكأنهم رجعوا بالزمن لبعيد قوي، بيطبقوا معاملات الإنسان البدائي بالفطرة، أسلوبهم مع بعض غريب، لكن فيه ناحيه تانية بتوضح ثقافة اللي سايق العربية وهيا مجموعة جُمل بتوديك المكان اللي دماغ السواق ريحاله.. يعني لو متدين حبتين هتلاقيه معلق صورة العدرا في المرايا أو كاتب على الطبلون "هل صليت على النبي محمد اليوم؟"، لكن بقا لو بيتسحل مع شغل الأعمال والسحر هتلاقيه معلق كف وكاتب "لا قر ولا كلام جايبها بدهب المدام"، بس أخفهم دم اللي بيعاتب صحابه ويقول: "الصاحب اللي يضر.. تمامه للخلف در" أو "بختى مال من الصحاب الشمال".

مكروباص سواقه كاتب جملة تقريبا طلسم لدرجة ان محدش عارف يقراها غيره

مكروباص سواقه كاتب جملة تقريبا طلسم لدرجة ان محدش عارف يقراها غيره

نوع الغنا:

نوع الغنا كمان بيدي انطباع عن الدولة اللي بيعيش فيها الشعب حوالي تلت عمرهم، المزاجنجي اللي بيسمع أم كلثوم، دا تلقاه ملمع عربيته من جوه ومن برا، وبيرفض أي حد يحط رجله على العتبه اللي ورا كرسي العرش، مش بس كده.. تلاقيه كمان معلق معطر جو – بصرف النظر إن ريحته معفنة – ومركب ستارة تفصل بينه وبين عامة الشعب، وفيه رؤساء بيشغلوا مهرجانات، ودول أهم حاجة عندهم السماعات، السماعة أهم من لتر البنزين، لازم الناس تحس إنها في زفة عروسة من كتر ما الصوت عالي.. في مرة سواق المكروباص فادا توكتوك كان هيساويه بالأرض فلبست فيه عربية ملاكي نزل زعق شويتين، وبعدين قال: "طالما الكاسيت شغال والعربية فيها كلاكس.. يبقى الدنيا لسه بخير".

مكروباص سواقه قرر يخرم من الحواري والشوارع الجانبية براحته

مكروباص سواقه قرر يخرم من الحواري والشوارع الجانبية براحته

لغة الإشارة:

لغة الإشارة من الحاجات المهمة اللي بتميز الدولة دي، حركات الإيدين بتخليك تتواصل بشكل سريعة مع السواق وأنت واقف على الأرض وهوا راكب طيارته، بس لازم تكون حويط ودايس الخط كويس عشان متتسوحش، يعني معروف إن حركة بندول الساعة اللي بتعملها للسواق بكف إيدك يعني إنك رايح الجيزة، لكن فيه طرق كتير مستخبيه جوا محدش يسمع عنها، يعني ارفع إيدك لفوق يعني طالع الكوبي، أو نزلها لتحت يعني هتنزل النفق.. شاور بصباعين على كتفك هتروح أرض اللوا، لكن إعمل دواير بصباعك اللي بتشاور بيه هتوصل ميدان لبنان، أما بقا لو عملت مثلث يبقى أنت أكيد اتجاهك لشارع الهرم، أما رقم 6 فدا للي رايحين أكتوبر، ولو رايح رمسيس تشاور خط مستقيم، وبالنسبة للوراق أو موقف العاشر شاور بشكل معووج أكنك هتلف من آخر الشارع.

النص نقل لما تقلب مكروباص عشان توصيلة المدرسة

النص نقل لما تقلب مكروباص عشان توصيلة المدرسة

العلاقات الإنسانية:

متنساش "العلاقات الإنسانية"، ودي مش بتحصل كتير لكن بتحصل، يشاور حد بلهفة فيقف السواق ويقول لدراعه اليمين: "هاتلنا الاتنين جنيه اللي واقفين على الأرض دول"، يطلع أخينا يقول لرئيس جمهورية المكروباص: "ممعييش فلوس ياسطى"، التاني ولا أكنه سامع فبيقعد من غير ما يفهم، هوا السواق وافق يكمل معاه ولا ينزل، بس ينزل إزاي؟ دا السواق مبيقفش غير للناس اللي بتركب بس، يكرمه ربنا بواحد من شعب المكروباص يتطوع ويرفع عن الراجل الحرج فيدفعله تمن التوصيله: "خد ياشبح أجرة البركة اللي قعد وراك"، رد بدون تفكير: "كنت هوصله من غير ما تدفع.. يالا ما هي عليها أقساط بردو".

مكروباص عشة إلترامكو سواقه النجم قرر يزاحم على الدائري عادي برضة..

مكروباص عشة إلترامكو سواقه النجم قرر يزاحم على الدائري عادي برضة..

أسطورة حامي الحما:

في اللحظة دي سمع السواق صوت حريمي، واحدة بتزعق بعلو صوتها من غير ما تستنى دعم من حد: "طالما بتقل أدبك وبتعاكس يبقى تاخد 100 شبشب على دماغك ودماغ اللي خلفوك".. ضرب حامي الحما فرامل قلب بيها الناس على بعض عشان يوقف العربية، وقال للمتحرش الرسمي اللي كان بيحاول يحك مع البت: "النجاسة دي مش عندي هنا، أنا مش رافع الإيريـال يا حيليتها، بلاش الحفلة تبقى عليك النهاردة.. خد أجرتك وانزل"، الحكاك وشه جاب ألوان الطيف، ألوان أكتر من اللي في "علم الريمبو" بتاع الجماعة الشمال، سمع الكلام من سكات ونزل قفاه يقمر عيش ويقلي بيض كمان.

مآساة تحميل ركاب المكروباص

مآساة تحميل ركاب المكروباص

شعوذة السواق:

حرية الرأي والتعبير في دولة المكروباص دي بعافية شويتين، وبان دا لما السواق اتشعوذ على مواطن من شعب المكروباص عايز يدفع نص الأجرة بس، بيقول إنه راكب حته صغيرة، في منت قلب على الوش التاني، وقرر بينه وبين نفسة يطرد الناس من دولته، بس بعد ما تتلم الأجرة طبعًا، هدّا حبتين عشان يعدي واحد من السواقين الغلابة، وقام باعتله رسالة بالشفرة مكانش قدامه غير إنه يقبل، لف السواق وخطب في شعبه خطبة الوداع: "انزلوا اركبوا العربية دي، ومتدفعوش أجرة".. طبعًا الشعب ثار، الباشمهندس عمل من بنها، ولا أكنه سامع حاجة، وكرر نفس الجملة اللي قالها قبل كدة، الشعب الطيب ملقاش مفر غير الخضوع.

الدفع قبل الركوب ف النوع دة من المكروباصات

الدفع قبل الركوب ف النوع دة من المكروباصات

الدنيا مش سودا قوي.. نزلوا الناس غصب عنهم ركبوا المكروباص التاني، السواق مآمن لشعبه وماشي من غير تبّاع، مفيش 20 متر وقفه اتنين شكلهم مش عاطفي، واحد وقف على الباب والتاني لف النحية التانية يكلم السواق من الشباك: "هات ياسطى عشه جنيه"، مترددش السواق وقاله: "مش دافع، انت واخد 10 الصبح".. التاني مسكتش: "هتدفع ولا أكسرلك العربية؟"، هنا السواق الغلبان حاول يستعطف بلطجية الطريق: "فردتين بعملهم بليل عشان أجيب مصاريف العيال.. معملتش غير 24 جنيه تاخد نصهم؟"، مردش البلطجي بس كسر المرايا وقاله: "أنا كده خت العشه جنيه"، مشي السواق بضرب كف على كف بيحاول يحسب مصاريفه عشان يطلع منها مبلغ يصلح لصاحب العربية المرايا اللي اتكسرت.

لو عجبك الموضوع ده وحابب تقرا زيه ويمكن أحسن خش هنا ..

قط بلدي

"أمهات لكن جبلات".. سابوا عيالهم لوحدهم وطفشوا

أفلام عملت "قتالين قتلة" ف الواقع.. خش وشوف بنفسك

ستيفن بادوك.. المليونير المجنون اللي قتل 58 واحد وإنتحر في "فيجاس"

"EWR" أول اتحاد مصري للمصارعة الحرة.. خاف يا"WWE"

جميع حقوق النشر محفوظة لدى شركة دوت مصر ويحظر نشر أو توزيع أو طبع أي مادة دون إذن مسبق من الشركة

شكراً لك على زيارتنا لمشاهدة موضوع ابراج اليوم - دولة المكروباص المستقلة.. السواق متشعوذ وماشي ببطاقة ابن اخته ونتمني ان نكون قد أوفينا في تقديم الخدمة ونود ان نوضحك لك أن خبر "ابراج اليوم - دولة المكروباص المستقلة.. السواق متشعوذ وماشي ببطاقة ابن اخته" ليس لنا أدني مسؤلية علية ويمكنك ان تقوم بقرائة الخبر من موقعه الاصلي من موقع دوت مصر و سمكنك ان تقوم بمتابعة أخر و أحدث الاخبار عبر موقعنا اللوتس نيوز دائماً من خلال زيارة الرابط " http://www.lotus-news.com " او من خلال كتابة " اللوتس نيوز " فى جوجل وسيتم تحويلك الى موقعنا فوراً ان شاء الله .

 

 

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

 

اعلانات المحتوي

 

السابق ابراج اليوم - QUIZ اختبر ذاكرتك الفنية مع أعمال الفنانة درة
التالى ابراج اليوم - حظك اليوم برج الحمل الجمعة 13 / 10 / 2017 على الصعيد الصحى والمهنى والعاطفى.. لا تطيل الخصام